કાર્તિ ચિદમ્બરમના ઘર પર દરોડા બાદ પી ચિદમ્બરમે કહ્યું- ‘EDને કંઈ ન મળ્યું’

By: abpasmita.in | Last Updated: Saturday, 13 January 2018 12:46 PM
કાર્તિ ચિદમ્બરમના ઘર પર દરોડા બાદ પી ચિદમ્બરમે કહ્યું- ‘EDને કંઈ ન મળ્યું’

નવી દિલ્હીઃ કોંગ્રેસના વરિષ્ઠ નેતા અને પૂર્વ નાણા મંત્રી પી ચિદમ્બરમના પુત્ર કાર્તિ ચિદંબરમના ઠેકાણા પર આજે ઈડી દ્વારા દરોડા પાડવામાં આવ્યા છે. આ દરોડા દિલ્હી અને ચેન્નાઈમાં કાર્તિના ઘર પર પાડવામાં આવ્યા છે. દરોડા બાદ તેના પિતા પી ચિદમ્બરે કહ્યું કે, ઈડીને આ દરોડામાં કંઈ મળ્યું નથી. એરસેલ-મેક્સિસ ડીલમાં ચાલી રહેલી તપાસમાં આ દરોડા પાડવામાં આવ્યા હતા.

ઇડીએ દિલ્હીના જંગપુરા સ્થિત કાર્તિ ચિદંબરમના ઘર પર દરોડા પાડ્યા હતા. ઉલ્લેખનીય છે કે આ દરોડા દરમિયાન પી.ચિદંબરમ હાજર હતા. ઉલ્લેખનીય છે કે કાર્તિ ચિદંબરમને 11 જાન્યુઆરીએ 2જી કૌભાંડ સાથે જોડાયેલા એરસેલ મૈક્સિસ  ડીલ મામલે સુનાવણી દરમિયાન સુપ્રીમ કોર્ટે ફટકાર લગાવી હતી.

ગયા વર્ષે સપ્ટેમ્બરમાં ઇડીએ કાર્તિની દિલ્હી અને ચેન્નઇ સ્થિત સંપત્તિઓ જપ્ત કરી હતી.  તપાસમાં  જાણવા મળ્યું કે, એરસેલ મૈક્સિસ કેસમાં FIPBનું અપ્રૂવલ પૂર્વ નાણામંત્રી પી.ચિદંબરમ દ્ધારા આપવામાં આવ્યું હતું. એવામાં આ મામલે ઇડી પી.ચિદંબરમની પૂછપરછ કરી શકે છે.

નોંધનીય છે કે વર્ષ 2006માં મલેશિયાની કંપની મૈક્સિસ તરફથી એરસેલમાં 100 ટકા ભાગીદારીને મંજૂરી આપવા મામલે ચિદંબરમ પર અનિયમિતાઓ આચરવાનો આરોપ છે. કાર્તિ વિરુદ્ધ મની લોન્ડરિંગનો કેસ પણ છે.

First Published: Saturday, 13 January 2018 12:46 PM

ટોપ ફોટો

ઈનોવાને ટક્કર આપવા મારુતિએ લોન્ચ કરી નવી અર્ટિગા, શાનદાર છે લૂક
PNB કૌભાંડઃ નીરવ મોદી સામે હોંગકોંગની કોર્ટમાં બેંકે દાખલ કરી અરજી, જાણો વિગત
વિરાટે શેર કરી અનુષ્કાની તસવીર, પ્રશંસામાં કઈંક લખ્યું આમ
View More »

Related Stories