ભાજપ અને RSSના લોકો હિંદુ ઉગ્રવાદી છે: CM સિદ્દારમૈયા

By: abpasmita.in | Last Updated: Thursday, 11 January 2018 8:46 PM
 ભાજપ અને RSSના લોકો હિંદુ ઉગ્રવાદી છે: CM સિદ્દારમૈયા

નવી દિલ્લી: કર્ણનાટકના મુખ્યમંત્રી સિદ્દારમૈયાએ આરએસએસ અને ભાજપના કાર્યકર્તાઓને હિંદુ ઉગ્રવાદી ગણાવતા રાજનીતિ ગરમાઈ છે. સિદ્દારમૈયાએ પોતાના એક નિવેદનમાં કહ્યું કે, આરએસએસના લોકો હિંદુ ઉગ્રવાદી છે. હું પણ હિંદુ છું, પણ મારી પાસે માનવતા છે, તે લોકો હિંદુ છે પણ તેમનામાં માનવતા નથી. કૉંગ્રેસ દ્વારા કર્ણાટક વિધાનસભા ચૂંટણીની તૈયારીમાં પણ સોફ્ટ હિંદુત્વને સામેલ કર્યા બાદ સિદ્દારમૈયા સતત હિંદુત્વ સાથે જોડાયેલ નિવેદનો આપી રહ્યા છે.

ત્યાં ભાજપ પણ આ નિવેદન પર તીખા પ્રહારો કરી રહી છે. ભાજપના કર્ણાટકના સાંસદ પ્રહલાદ જોશીએ સિદ્દારમૈયાને એન્ટી નેશનલ ગણાવ્યા અને રાહુલ ગાંધી પાસે આ મામલે નિવેદન માગ્યું છે.

ભાજપ પ્રવક્તા સંબિત પાત્રાએ ગુરુવારે પત્રકાર પરિષદમાં કહ્યું કે કૉંગ્રેસ પાર્ટીનું હિંદુઓ પ્રત્યેનું વલણ સામે આવી ગયું છે. તેમાં કંઈ નવું નથી. સંબિત પાત્રાએ કહ્યું કે કૉંગ્રેસ સરકાર સમયે પણ હિંદુ આતંકવાદની વાત સામે લાવ્યા હતા અને કર્ણાટકમાં ફરી આ મુદ્દો ઉઠાવ્યો છે. રાહુલ ગાંધી જનોઈ પહેરીને આસ્થાથી હિંદુ બનવના પ્રયાસ કરી રહ્યા છે, પણ કૉંગ્રેસના વિચારો સામે આવી રહ્યા છે.

તો બીજી તરફ સિદ્દારમૈયાના આ નિવેદન બાદ ભાજપ ફુલ એક્શન મોડમાં આવી ગઈ છે. રાજ્યના ભાજપના નેતા શોભા કરંદલજએ એલાન કર્યું છે કે ભાજપના કાર્યકર્તા શુક્રવારે સમગ્ર કર્ણાટકમાં જેલ ભરો આંદોલન કરશે.

જણાવી દઈએ કે સિદ્દારમૈયાએ એક નિવેદનમાં કહ્યું હતું કે ભાજપ, આરએસએસ અને બંજરંગ દળ એક પ્રકારના આતંકવાદી છે. જે પણ સમાજની શાંતિ ભંગ કરે તેને સરકારે ચલાવી ન લેવું જોઈએ. પછી તે પીએફઆઈ હોય, એસડીપીઆઈ હોય કે પછી વીએચપી, આરએસએસ. બાદમાં સિદ્દારમેયાએ ભાજપ અને આરએસએસને એક હિંદુ ઉગ્રવાદી પણ ગણાવ્યા છે.

ઉલ્લેખનિય છે કે ભાજપના રાષ્ટ્રીય અધ્યક્ષ અમિત શાહે બુધવારે કર્ણાટકમાં એક રેલીને સંબોધન કરતા કહ્યું હતું કે સિદ્દારમૈયાની સરકાર એન્ટી હિંદુ છે અને તે વોટબેન્કની રાજનીતિ કરી રહી છે, શાહે કહ્યું જે પૈસા મોદી સરકાર રાજ્યના વિકાસ માટે આપે છે તે ક્યાં જાય છે. અમિત શાહે ત્યાં ભાજપ સરકાર બનાવવાનું આહવાન કર્યું હતું.

જણાવી દઈએ કે એપ્રિલમાં કર્ણાટક વિધાનસભાની ચૂંટણી યોજાવાની છે. હાલમાં કૉંગ્રેસ સરકાર છે.

First Published: Thursday, 11 January 2018 8:46 PM

ટોપ ફોટો

ગુજરાત સરકાર ક્યા વિભાગમાં કરશે 6,850ની ભરતી? જાણો કોણ કરી શકશે અરજી?
FB ફ્રેન્ડ સાથે યુવતીને બંધાયા સંબંધ, બંને ભાગીને રાજકોટ પહોંચ્યાં, પતિ ત્યાં ગયો તો શું કર્યું?
'પદ્માવત' મુદ્દે ભણશાળીની બોલીવુડના ક્યા 'ખાન'એ કરી ટીકા? રાજપૂતોના વિરોધને આપ્યું સમર્થન?
View More »

Related Stories