આજથી રાષ્ટ્રીય યુવા ઉત્સવઃ PM મોદી અને CM યોગી કરશે 6000 યુવાઓને સંબોધિત

નવી દિલ્હીઃ વડાપ્રધાન નરેન્દ્ર મોદી આજે વીડિયો કૉન્ફરન્સિંગ દ્વારા રાષ્ટ્રીય યુવા ઉત્સવનું ઉદઘાટન કરશે અને બધાને સંબોધિત કરશે. આ ઉત્સવ સ્વામી વિવેકાનંદની જયંતીના પ્રસંગે શરૂ થથશે. ઉદઘાટન સમારોહની સહઅધ્યક્ષતા યુપીના સીએમ યોગી આદિત્યનાથ અને યુવા બાબતો અને રમત રાજ્યમંત્રી કર્નલ રાજ્યવર્ધન રાઠોર કરશે.

આ પ્રસંગે સંસ્કૃતિક રાજ્યમંત્રી મહેશ શર્મા વિશિષ્ટ અતિથિ હશે, કાર્યક્રમ બપોરે 12 વાગે શરૂ થશે. ઉત્સવનુ આયોજન યુવા બાબતો અને રમત મંત્રાલય, ઉત્તરપ્રદેશ રાજ્ય સરકારના સહયોગથી કરાઇ રહ્યું છે. આનું આયોજન આજથી 16 જાન્યુઆરી સુધી ગૌતમ બુદ્ધ વિશ્વવિદ્યાલય, ગૌતમ બુદ્ધ નગર, ગ્રેટર નોઇડામાં થશે. રાષ્ટ્રીય યુવા ઉત્સવનું આયોજન પહેલીવાર રાષ્ટ્રીય રાજધાની ક્ષેત્રમાં થઇ રહ્યું છે. આ ઉત્સવનો હેતુ દેશના યુવાઓને એક મંચ પ્રદાન કરવાનો છે, જ્યાં તેમને જુદીજુદી ગતિવિધિઓમાં પોતાની પ્રતિભા બતાવવાનો અવસર મળે.

રાષ્ટ્રીય યુવા ઉત્સવ દેશમાં આ રીતેનો સૌથી મોટો યુવા ઉત્સવ છે, આ 22મો ઉત્સવ છે. ઉલ્લેખનીય છે કે પહેલો રાષ્ટ્રીય યુવા ઉત્સવ 1995માં ભોપમાં આયોજિત કરવામાં આવ્યો હતો. આ ઉત્સવની થીમ ‘સંકલ્પથી સિદ્ધિ’ છે. આ અતંર્ગત ભારતના જુદાજુદા વર્ગોના યુવાઓની જીવતંતા અને ઉર્જાને દિશી આપવામાં આવશે અને તેમને નવભારતના લક્ષ્યને હાંસલ કરવાનો સંકલ્પ લેવડાવવામાં આવશે.

આ પાંચ દિવસીય ઉત્સવમાં દેશભરના રાષ્ટ્રીય સેવા યોજના અને નહેરુ યુવા કેન્દ્ર સંગઠનના 5 હજાર સ્વયંસેવી સ્થાનીય યુવાઓની સાથે ભાગ લેશે. ઉદઘાટન બાદ સ્થાનીય અને પ્રસિદ્ધ કલાકાર સાંસ્કૃતિક/સંગીત કાર્યક્રમ રજૂ કરશે. સમારોહની શરૂઆત દરમિયાન રાષ્ટ્રીય યુવા પુરસ્કાર પણ આપવામાં આવશે.